Orientazio Programa

	1. PROGRAMA: familiei Orientazio Zerbitzua eskaintzen zaie, euren seme-alaben hazkuntzan eta heziketan sortzen zaizkien zalantzei buruz telefonoz, posta elektronikoz edota posta arruntez galdetu ahal izateko. Galdetu denari, erantzun isilpekoa eta bakarkakoa itzuliko zaio, gehienez 5 lan-egun epe barruan eta familiak nahiago duen bidetik.
Kasuaren jarraipenarekin batera, planteatu den gaiaren inguruko epe labur eta ertainerako hezkuntza-jarraibide eta estrategiak eskaintzen dira. Era berean, familiek galde dezakete, baita ere, euren seme-alaben garapen sozio-emozional, kognitibo edota psikomotorra hobetzeko prebentzio-estrategia edo hezkuntza-jarraibideei buruz.
2. PROGRAMA: irakasleei Orientazio Zerbitzua eskaintzen zaie, gelan esku-hartzeko edota familiekin komunikatzeko estrategiak kontsulta ditzaketen (telefonoz, posta elektronikoz edota posta arruntez).
3. PROGRAMA: familia, irakasle eta teknikarientzako Ebaluazio eta Orientazio zuzeneko Zerbitzua, hurrengo espezialitateetan: Eskola orientazioan. Ikasketen aukeraketa eta orientazio profesionalean. Gaitasun altudun umeekin antzemate eta interbentzioan.
Helburua: Hurbileko Zerbitzua eta konfidentziala eskaintzea, 0-19 urte bitarteko seme-alaben familiei eta irakasleei hezkuntza prozesua bideratzeko irizpideak emanez.